ارجوكم عند مغادرة الصفحة استغفروا الله وادعوا الى بظهر الغيب
يسعدنى تشريفكم لمدونتى البسيطة وبصمتك لن تضرك لكنها تضيف الى

الاثنين، 19 ديسمبر، 2011

انا بقى من حزب الكنبة

بجد تعبت جدا من اللى بيحصل بلدى بضيع ومش حاسة ان فى حد خايف عليها الكل بيقول بنحبها وعايزين نطلع بيها لبر الامان بس كل واحد من وجهة نظره هو ومصلحته الشخصية والايدلوجية اللى مؤمن بيها
انا بقى من حزب الكنبة او الكتلة الصامتة بس مش بنام على الكنبة لا اجلس واتابع واحلل على قدى
 شوف اللى لاحظته ان الكل بنادى بالديمقراطية وحرية الراى بس فى نفس اللحظة محدش بتقبل راى الاخر وبيخونك وبيشتم ويسب
 انا لا يهمنى اذا كنت اخوانى ولا ليبرالى ولاسلفى او مسلم اومسيحى المهم بجد احس انك خايف على البلد
 تعالوا نشوف الثوار لو وقفت ضدهم يبقى انت ضد الثورة ومن الفلول وحتى لو كانوا غلط بنخاف نقول علشان لا تهاجم واذا كنت ضد المجلس بتزود فيها وبتهين والمفروض ده عيب لاننا كده عايزين نسقط دولة
 اه على فكرة قبل ماتقولوا اننا من بتوع العباسية انا لى اعتراضات برضه على المجلس وانتقده فى حاجات كتير منها الاداء السياسى الفاشل والبطئ فى كل حاجة بس مينفعش اهينه
 تعالوا بقى للاعلام اللى لغاية النهاردة لم اجد احدهم حيادى بالعكس بيولع الدنيا بزيادة ياترى الكل مبسوط بعد حريق المجمع انا بكيت وبحرقة لما شفته بيتحرق وحسيت ساعتها ان بلدى بتتحرق عارفين سياسة الارض المحروقة ده اللى احنا بنعمله دلوقت ياريت نرجع تانى لروح 25 مفيش غير كلمة واحد بحبك يامصر مافيش فرق بين اى حد
 تعالوا نرجع تانى وننقذ بلدنا ونوصل بيها لبر الامان مش وقته نقول اسلامية لانها اسلامية بحكم الاغلبية والتاريخ
مش وقته نقول حجاب وسياحة وخمرة
الاولى نقول تعليم وصحة وحياة كريمة
 متقولش مسيحى ومسلم وحقوق لكل واحد قول حقوق المصريين 

ليست هناك تعليقات:

إرسال تعليق