ارجوكم عند مغادرة الصفحة استغفروا الله وادعوا الى بظهر الغيب
يسعدنى تشريفكم لمدونتى البسيطة وبصمتك لن تضرك لكنها تضيف الى

السبت، 10 ديسمبر 2011

نفسى


نفسى انسى اللى فات والاقى بلدى جديدة بناسها وشوارعها 
انسى طابور العيش اللى قتل كتير من الناس الغلابة والاقى الصحرا كلها مزروعة قمح يكفى ناسى وناس دول تانية
وانسى مشكلة الانبوبه اللى قطعوا بعض عشانها وصورهم ملت الجرايد زى الناس الهمجية
واللى كان سببها تصدير الغاز
وأنسى بلدنا المنهوبه واتمنى فلوسها ترجع تانى لناسها تبنى وتعمر وتسعد كل فقير
وأنسى أي مسئول
من اللى سابوا الناس فى السيول
والعبارة كمان لغاية ما القروش ازازوا عضمهم
وانسى مجلس الشعب اللى قاعد يصقف طول الوقت ويصوت علشان الباشا والاقى مجلس شعب يهمه بجد الشعب
وانسى اللى ساكنين فى القبوروالجثث تطفح وتطلع عليهم علشان الصرف بايظ والالقيهم بقوا بنى آدميين عايشيين فى بيوت مش لازم قصور بس يحسوا اتهم بنى آدميين
وانسى انفلونزا الطيور والخنازير اللى قرفونا بيها
وانسى مشاريعنا الفاشله
فى توشكى واشوف مشروع الباز بيتحقق وخلاص بقى قدام عيونى حقيقة واقعة
وانسى النيل اللى نازلين فيه تلويث والحمدلله مشكلتنا بدات فى الحل مع دول المنابع بس بجد نفسى مرة امد ايدى فى قلبه واشرب مية حلوة عذبة رحيتها مش مجارى
وانسى الكلمتين دول فتنة طائفية 
والاقينا ايد واحدة بجد زى ماكانوا فى الميدان
نفسى انسى فشل التعليم والاقى مليون احمد زويل وزيهم العقاد وكمان زيهم مجدى يعقوب
نفسى زى ما بنقول التجربة الماليزية والتركية نقول التجربة المصرية نفسى ابطل اسمع كلمة ده سلفى لااخوانى لاليبرالى لاده من التحرير لاده من العباسية

نفسى الاقى مصريين يناير بس همهم ازاى يبنوا بلدهم
بقلمى

ليست هناك تعليقات:

إرسال تعليق