ارجوكم عند مغادرة الصفحة استغفروا الله وادعوا الى بظهر الغيب
يسعدنى تشريفكم لمدونتى البسيطة وبصمتك لن تضرك لكنها تضيف الى

الجمعة، 3 فبراير، 2012

على فين يابلدى

فى شهر يونيو عام 2010 كتبت هذا المقال 

على فين يابلدى ماشية بجد خايفة عليكى وخايفة على عيالى انهم مايحبوكى زى ماانا حبيتك


على فين رايحة بخاف لما اقراكل يوم حادثة توجع قلبى لما الاقى نجار قتل عياله علشان مش قادر يصرف 

عليهم لما الاقى ام تقتل ضناه لانها مش عارفة تاكله


على فين يابلدى ماشيه خايفة عليكى طردتى ولادك العلما وكمان شيوخك خايفة عيالك كلهم يهربوا منك


على فين عيالك اللى بيقولوا انهم مثقفين ما حيلتهم الا الكللام وعيالك اللى بيسموا نفسهم رجال اعمال 

محتارين يكلوكى ازاى وعيالك النخبة اصلا عايشين فى وادى تانى


علىفين يابلدرايحة اخرة الطريق ايه خايفة عليكى تضيعى وخايفة على ولادى يضيعوا انا لسه بحبك بس 

خايفة ولادى يبطلوا يحبوكى ياخوفى عليك نفسى الاقى امل بس برضه افضل ادعى ربى يخليكى 

ويحميكى من بره وجوه


على فين يا بلد ماشيه ابطل اقرا الجرنال احسن وخلينى عايشة على ذكركى الحلوة لما تغربت كنت دايما 

بحن ليكى خايفة لو اتغربت تانى ابطل احن ليكى

النهاردة بعد مرور عام ونص ولم اكن اعلم يوم كتبت هذا المقال انه هيجى يوم ويقتل اعداد المصريين 

بيد المصريين ليه علشان ايه علشان نكره الثورة ام علشان نقول ايام مبارك كانت افضل

لو كان حد اتحاسب من الاول على افعاله من اول احداث ماسبيرو والبالون مكنش وصلنا للوضع الحالى 

لو كان طلع حكم واحد بس فى حد من نزلاء طرة كانت الفيران دخلت جحورها وما فكرت تخرب 

على فين

هناك 10 تعليقات:

  1. السلام عليكم ورحمه الله وبركاته
    انا بحب مصر جدا وكنت لما حد يقولى انه هيسافر ويسيب مصر كنت بضايق قوى واقوله ليه البلد دى احسن من غيرها
    بجد بحبها قوووووووى
    دلوقتى لما حد يقولى انه هيسافر مبقدرش اقوله خليك
    ربنا ينصر مصر ونعدى من الغمه دى على خير
    ونام ونصحى نلاقى البلد اتغير حالها
    يااااااااااااااااارب

    دومتـ بكل الود والحب ..
    معـ تحياتـى الغاليـه ..

    ردحذف
    الردود
    1. بس برده هنفضل نحبها يا يارا فىمرة ارسل لى تعليق من واحد كويتى او عراقى مش متذكرة وقال سبحان الله انا بستغرب المصريين برغم ان بلدكم مش بتعطيكم حقكم الا انكم بتعشقونها وده لاقيته فى كل المدونين سواء بكتابة او بصور
      شكرا لمرورك حبيبتى

      حذف
  2. لا حول و لا قوة الا بالله العظيم

    و الله بجد مش عارفة اقول ايه..من كتر الحزن و الالم و الصدمة مابقيناش قادريت حتى نتكلم

    ربنا يسلم

    مهو لو كل واحد حد جزاؤه من الاول و مسحوا الناس دي من على وش الارض كنا فقنا للمخربين التانيين لكن هنعمل ايه

    ربنا يستر و يحفظنا و يحفظ بلادنا

    لا اله الا الله

    ردحذف
    الردود
    1. اولا تسلمى على مرورك من زمان مانورتينى ثانيا معاكى حق محدش عاد عارف يقول ايه الا اننا ندعو اللع ونطلب منه يفك الغمة

      حذف
  3. ال انا مش مستوعباه بجد ازاي نفس تهون علي نفس بالسهوله دي
    ربنا يرحمنا ويرحمهم ويرحم البلد دي ال مش عارفين رايحه علي فين
    ‏*‏ ممكن تشيلي تدقيق الكلمات لانه ساعات بيضيعلي التعليق

    ردحذف
    الردود
    1. شكرا لمرورك وصف ومعلش حبيبتى ممكن تقولى اشيله منين

      حذف
    2. اللهم احفظ مصر و اهل مصر ...

      تقديري

      حذف
    3. شكرا لك اخى الكريم على مرورك الطيب ودعائك

      حذف
  4. والله مصر بلدنا كلنا يكفي مية النيل والخير اللي بها ربنا يحفظكم من كل سؤء يارب

    ردحذف
  5. والله انا عارفة ان كل العرب بيحبوا مصر واحنا كمان بنحبكم شكرا لك حبيبتى

    ردحذف