ارجوكم عند مغادرة الصفحة استغفروا الله وادعوا الى بظهر الغيب
يسعدنى تشريفكم لمدونتى البسيطة وبصمتك لن تضرك لكنها تضيف الى

الاثنين، 2 أبريل، 2012

يوميات زوجة

ساعات بحس اننا عاملين زى الاجهزة بنوصل لمرحلة ونفصل شحن ونحتاج نتشحن من تانى وان كان كل واحد مختلف فى اسلوب شحنه يعنى مثلا انا احكى لكم يوم من ايامى فى بيتى اولا انا ربة منزل ولااعمل يومى يبدا من صلاة الفجر ثم اغفل قليلا واصحو فى السادسة والنصف اصحى الولاد واحضر فطورهم وينزلزا فى السابعة وبعدين ادخل اصحى زوجى احضر الفطور وبينزل هو كمان على الثامنة يبدا بقى يومى ولان بيتى كبير وتقريبا كله ابيض فيوميا ينظف من بداية الشرفات الى باب الشقة بخلص بعد حوالى ساعتين وبعدين يجى دور الغسيل انشر ونشر الغسيل بجد بحبه جدا لاننى انظمه وانا منظمة جدا ولكن فى المقابل بكره ان اطوى الغسيل نخلص من الغسيل ندخل على المطبخ نطبخ وبعد الطبخ ادخل اخد حمام ثم اقوم بتقفيل الشقة ثم اشعال البخور فى كل ارجاء الشقة لانى بعشق البخور كل ده ياحلوين بيخلص على امتى فى الواحدة والنصف على الثانية يهل اطفالى الجمال يدوب يدخلوا ووراهم بابهم اكون انا حضرت الغداءنقعد نتغدى ويحكى كل واحد عمل ايه النهاردة وننتهى اسيب الولاد شويه يخدوا راحة حتى الانتهاء من المطبخ وبعدها ندخل الى وكر المذاكرة من الثالثة والنصف الى الثامنة بالضبط بحس ان ولادى عايزين يقتلونى وانا كمان هههههههههه وبعدها يحدث الافراج اللى عايز يلعب او يتفرج على التلفاز ثم اعمل العشاء ويدخلوا يناموا على التاسعة وانتظر زوجى حتى ياتى ونتااول العشاء وانام على منتصف الليل تخيلوا بقى ده يومى كل يوم ماعدا يوم الخميس لاننى اذهب الى ماما بيكون اليوم مختلف تخيلوا كل ده وانا انسانة ملولة فى وقت من الاوقات بحس انى فصلت شحن ولم اعد اقدر على تحمل الوضع ولااجد غير زوجى واولادى اخرج عصبيتى فيهم وجزاه خيرا زوجى لانه يعلم مااعانيه بيستحمل نرجع بقى للموضوع الاصلى وهو ازى بتشحن طاقة وزى ماقلنا كلنا نختلف يعنى ساعات اشحن بقراءة كتاب او تدوين او شغل كروشيه وبجد اكتر حاجة اللى بتساعدنى على اخراج الطاقة السلبية غير قراءة الورد اليومى من القرآن هى شغل الكروشيه بس بجد ساعات بوصل لمرحلة خلاص زهقت بسبب الروتين اليومى اللى حافظاه حتى بمواعيده ببقى نفسى اغير شئ بس لا اقدر لاننا فى فترة الدراسة هونظام مينفعش اغير فيه اللى حولى ىيقولوا انى محبكاة حبيتين سواء فى بيتى او مع الولاد فى المذاكرة ساعات بحس انى غلط وساعات لا ساعات لما اشحن طاقة انطلق بمنتهى الحيوية ولكن لما بوصل للاخر خلاص حتى الولاد مش عايزة اسمع صوتهم وده كان يوم من يوميات زوجة
اتمنى الردود تكون تفاعل مع كيف تخرج طاقتك السلبية وتعيد شحن طاقتك

هناك 12 تعليقًا:

  1. شكرا محمد بس انا كنت اريد ان اعرف كيف كل شخص يخرج طاقته السلبية

    ردحذف
  2. بالنسبه ليا انا الوضع مختلف شوية
    لاني بشتغل ده غير اني مشترك في كذا عمل تتطوعي وبصراحه ساعات مش بلحق انام , بس اما ببقي فاضي بحاول اكتب (بس بكتب بورقة وقلم احسن من المدونة والنت والشات وكدا بالنسبه ليا) وساعات بقرأ في كتب شعر وكدا وخاصتاً الخال الابنودي واصحابي في المدونات , ده غير الخروج لو الحالة المادية تسمح بكدا وكمان الحمد لله لسه ما اتجوزتش فامفيش حاجه بتربطني في البيت (وانا قصدي الحمد لله علي كل شئ مش معناه اني بكره الجواز او حاجه كدا) .... وبس

    ردحذف
    الردود
    1. شكرا لتفاعلك وعلى فكرة الجواز مش ممل وخاصة لما يكون اتنين بيحبوابعض الروتين هو اللى ممل والحمدلله كما قلت

      حذف
  3. ههههههههههههههههههههه
    ربي يكون بعونك جد
    شغل البيت بيدووووووووووووخ وما بيخلص
    أنا ما في شي بيشحني إلا لو رحت البحر
    والبحر بعيد عني وصعب أروح كل يوم والتاني
    يدوبك مرة أو مرتين بالسنة
    بس جد وضعنا صار لا يحتمل
    لازم نعمل ثوووووووووووورة
    هههههههههههههههههههههههههههههه

    ردحذف
    الردود
    1. عندك حق نسرين انتى اكتر واحدة تحسى بما اشعر به يلا تعالى نعمل ثورة بس ياترى هتكون على حساب مين ههههههههههههه تحياتى اليك حبيبتى وسعدت بمرورك

      حذف
  4. والله عندك حق عارفه بقى انا لسه فى بيت بابا ولو قعدت شوية من غير دراسه لانى فى الماستر وده حسب الدكاترة مش مواعيد ثابته وتقريبا دلوقتى باقلى 3 شهور مرحتش
    فاليوم نوم واكل وتنضيف بيت ونت
    ومبشفش حتى البلكونه ولا حد يزورنا ولا بنزور حد ببقى احس انى بموووت بالبطئ بجد

    ربنا يكون فى عونك كمان احساس المسئوليه بيعمل ضغط
    تقريبا انتى قلتى كل الاساليب الممكنه بالنسبالنا عشان نخرج الطاقة السلبيه
    لكن نصيحتى لما تقرى اختارى اللى بتقريه بجد
    يعنى بلاش تقرى نكد
    فيه موقع جميل انا مشتركه فيه لو تحبى ادخلى فيه كتير موضوعات ايجابيه هتحبيه جدا

    http://www.binaa4u.com/vb/

    دمت بخييييييييير

    وشوفى شغلى بقى فى المدونه :)

    ردحذف
    الردود
    1. تسلمى حبيبتى على المرور وفعلا انا اكتشفت ان الملل يسبب الموت البطئ ربنا يعينك فى رسالتك ان شاء الله

      حذف
  5. البوست جميل!
    انا بجدد طاقتي بالرياضة والقراءه0

    ردحذف
    الردود
    1. تحياتى اليك نيللى لمرورك الجميل

      حذف
  6. السلام عليكم..أولا أحب أقول لحضرتك ان ما شــاء الله عليكى وربنا زيدك اتقان فى دورك ويصبرك ويفرح قلبك بأولادك...وربنا يخليهملك ويباركلك فيهم.
    ثانياً..يعنى أقترح زى ما "نيللى " قالت الرياضة الصبح بتكون مجددة وتحسى انها حاجة بتنفعى بيها نفسك..وممكن برده يوم أجازة من وقت لآخر تعملى حفلة بسيطة تشغلى أناشيد تلعبوا مع الأولاد..يعنى تغيير لهم وليك.
    من وقت لآخر اتصلى بصديقة ليك اطمنى عليها..مفيش مانع برده من حلقة تحفيظ او درس فى مسجد قريب منك. تابعى برنامج محبوب ليك وحافظى على وقته كأنه محاضرة مثلاً.
    ومش شرط على فكرة مشاركتك للاولاد تكون فى وقت مذاكرتهم ممكن بعد المذاكرة تقرأى لهم قصص عن الصحابة تزوديهم بمعلومات مختلفة غير مناهجهم..تعملى مسابقات مثلا.
    الصراحة دى الافكار اللى بمقدورى أقولها ويا رب أكون نفعتك بيها.
    تقبلى مرورى..السلام عليكم.

    ردحذف
    الردود
    1. شكرا حبيبة بس كنت اود ان اعلم كيف تخرجى طاقتك السلبية

      حذف