ارجوكم عند مغادرة الصفحة استغفروا الله وادعوا الى بظهر الغيب
يسعدنى تشريفكم لمدونتى البسيطة وبصمتك لن تضرك لكنها تضيف الى

الثلاثاء، 13 نوفمبر، 2012

مش لاقية عنوان

دلوقت مصر كلها كده فى مهب الريح بجد حرام كل اللى بيحصل ليه كده الكل يأكل فى بعضه كلهم عايزين يثبتوا انهم صح بالرغم انى بقول حسبى الله ونعم الوكيل فيهم كلهم هتقول مين فى 
الاعلاميين اللى عايزين يحققوا نصر مهنى حتى لو على حساب البلد
الاخوان اللى كل همهم السلطة وبس
اللى بيقولوا مثقفين وعايزيين يطلعوا فى الجرايد والتليفزيون والنت ياخوفى الاقيهم معاى فى المطبخ
الاسلاميين اللى اساؤوا لديننا اكتر مما خدموه ياريتهم كانوا فضلوا ساكتين 
فى الشعب اللى انا منه الجاهل اللى همهم بس يأكل ولاده ويصرف على مرضه ويعلم عياله تعليم فاشل
فى لسه حد فى البلد دى
اه نسيت اللى بيقولوا عليهم فلول اللى عايزين تفضل مولعة
نسيت حد تانى ولا ايه 
ليه كل ده علشان ايه ليه كلنا بنخون فى بعض مش زمان قالوا ان مصر هى امى ولا دلوقت بقت مرات ابونا اللى مطلعة عيوننا
دستور ايه هو انتم زمان كنت عارفين الدساتير اللى فاتت كانت بتقول ايه اساسا
الشريعة ماطول عمر الشريعة موجودة للى عايز يطبقها ولا الشريعة حدود وبس الشريعة اكبر من كده بكتير الشريعة مش عشان المسلمين وبس علشان العالم كله لو احنا فاهمين ديينا صح وعارفين انه رحمة للعالمين ومش لامة محمد بس
الشريعة انك تدفع بالتى هى احسن انك تكون لين القول والطبع مش فظ غليظ القلب علشان كده الكل بينفض 
الشريعة انك تحب كل الى حواليك وتسامح وتعفو 
الشريعة انك تتقن العمل علشان تنتج وتثبت انك من امة الحبيب
الشريعة انك تعمر الارض اللى رب مش تحرقها علشان تقعد انت لوحدك فيها نا استخلفك فيها 
الشريعة انك تعيش فى سلام ومحبة مع باقى الاديان
الشريعة مش تقول انك احسن منى وتنصب نفسك على اله وتحكم وتقول ده كافر ده مؤمن
الشريعة الاسلامية هى احلى شئ فى الدنيا للفاهم صح وعايز يطبقها هتخليه يملك العالم كله علشان كده زمان المسلمين وصلوا لمشارق ومغارب الارض




هناك 7 تعليقات:

  1. السلام عليكم
    العنوان هو " بحبها وخايف عليها "
    تحياتى المعطرة

    ردحذف
    الردود
    1. وعليكم السلام اخى شكرا لمرورك وبالنسبة للتعليقات انا مابعرف منين اغيرهافاذا كنت تعرف كيف اغيرها اكتب لى وجزاك الله خيرا

      حذف
    2. ولا يهمك خالص
      إعدادات
      مشاركات وتعليقات
      إظهار كلمة التحقق
      خليها لا بدل نعم

      حذف
  2. صباح الغاردينيا همسة
    ولن أقول سوى حفظ الله مصر وشعبها
    وحفظكِ الله ياغالية
    كل عام وأنتِ وزهراتك بخير "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. شكرا حبيبتى وتقبل الله منك وكل عام وانت بالف خير

      حذف
  3. السلام عليكم
    المناخ العام يسمح بتكاثر الجراثيم
    والله انا شايف ان الاعلام المصري اخطر على مصر من اسرائيل
    بيناقش مليون مشكلة مع انه هو مشكلتنا الاولى
    عصابة ابتليت بها مصر ربنا يخلصنا منهم



    ردحذف
    الردود
    1. شكرا لردك الكريم ومرورك العطر والله يحفظها من الجاهل قبل العدو

      حذف