ارجوكم عند مغادرة الصفحة استغفروا الله وادعوا الى بظهر الغيب
يسعدنى تشريفكم لمدونتى البسيطة وبصمتك لن تضرك لكنها تضيف الى

الثلاثاء، 4 ديسمبر 2012

ده رايى فى المسودة

ده اللينك الخاص بمسودة الدستور اللى راح نصوت عليها ياريت ننشرها  http://egelections-2011.appspot.comوانا قراته وبصراحة دى اول مرة اقرا شئ عن الدستور الكلام حلو قوى بس ياترى التنفيذ ولدى ملاحظات واشياء اخرى لم افهمها فياريت اللى فاهم يفهمنى تعالوا نشوف 
اولا فى الديباجة الخاصة للوثيقىة هناك تناقض شوفوا بيقولوا ايه
بعد ان رفضنا فى ميدان التحرير وفى طول البلاد وعرضها كل صور الظلم والقهر والطغيان والاستبداد والاقصاء والنهب والفساد والاحتكار 
مش ده الميدان اللى مليان دلوقت اقباط وعلمانييين وفلول وبلطجية والاعلان والدستورى وكل ماتقومون به مش نوع من انواع القهر والاستبداد والاقصاء دى حاجة 
بيقولوا ايه كمان سيادة القانون اساس حرية الفرد ومشروعية السلطة وخضوع الدولة للقانون فلا يعلو صوت على قوة الحق والقضاء مستقل شامخ صاحب رسالة سامية فى حماية الدستور واقامة موازين العدالة وصون الحقوق والحريات طب الكلام ده هينفذ بعد ذبح القضاء وقتل المحكمة الدستورية اى قانون بتحترموه
تعالوا بقى للمادة رقم12 بتقول تحمى الدولة المقومات الثقافية والحضارية واللغوية للمجتمع وعلى تعريب التعليم والعلوم والمعارف 
ياريت بقى حد يفهمنى المقصود بتعريب التعليم يعنى ايه اصل فهمى على قدى 
 وكمان كل مادة يقولك حسب القانون بناء على القانون حسب ماينظمه القانون يحط عنوان كبير حلو وفى النهاية حسب القانون وطبعا القانون ده تابع للسلطة التشريعية المتمثلة فى مجلس الشعب يعنى كل اغلبيىة تحط وتشيل وتغير زى ماهى عايزة 
ياريت اللى فاهم يفهمنى 
انا حكمت ضميرى وقراته بس نازلة اقول لا

هناك 4 تعليقات:

  1. والله مش عارفه اقولك ايه اظن تعريب العلوم تحويلها لغة عربيه انما الباقي معرفش

    ردحذف
  2. ازيك ياايمان يعنى تقريبا فهمتى زى ما انا فهمت يعنى هيلغوا مدارس اللغات ولا هيعملوا ايه ربنا يستر ويعدى الايام دى على خير

    ردحذف
  3. والله ... الواحد لسة ماقررش لأني لسة ماقراتهوش..

    دمت بألف خير

    ردحذف
  4. اهلا بك حبيبتى نورتينى طبعا لازم نقراه ونسمع كلام الفقهاء فى الدستور والقانون لان هناك اشياء غير مفهومة

    ردحذف